તેજસ એક્સપ્રેસ ટ્રેન વિશે જાણો શું શું ખાસ છે

તેજસ એક્સપ્રેસઃ જાણો, આ ટ્રેન કેમ બાકી ટ્રેનોથી છે કંઈક ખાસ

તેજસ ફાઈટર પ્લેન પછી તેજ નામની એક્સપ્રેસ ટ્રેન જેની આતુરતાથી રાહ જોવાઈ રહી હતી તે ઘડીનો અંત આવ્યો છે. આ ટ્રેનમાં અધ્યતન પ્રકારની સુવિધાઓ આપવામાં આવી છે. જેવી સુવિધાઓ પ્લેનના બિઝનસ ક્લાસમાં મળે છે તેવી સુવિધા આ ટ્રેનની મુસાફરી દરમિયાન મળશે.

તેજસ એક્સપ્રેસની ચર્ચા તેની ઝડપ કરતા સુવિધાઓને લઈને વધારે થઈ રહી છે તેની પાછળનું કારણ એ છે કે આ ટ્રેનમાં Wi-Fiથી લઈને CCTV, ફાયર અને સ્મોક ડિટેક્શન ફેસિલિટી, ચા-કોફીના મશીન વગેરે સુવિધાઓ આપવામાં આવી છે. રવિવારે સેન્ટ્રલ રેલવેના જનરલ સેક્રેટરીએ છત્રપતિ શિવાજી ટર્મિનસ (CSTM) પર પહોંચીને ટ્રેનનું નિરિક્ષણ કર્યું અને કહ્યું કે, “વિમાન જમીન પર દોડી રહ્યું છે”.

ભારતની પહેલી પ્રિમિયમ ટ્રેનની ઝડપ 130 કિલો મીટર પ્રતિ કલાકની રહેશે.

આ ટ્રેનની ડિઝાઈન કપુરથલામાં આવેલી રેલવે કોચ ફેક્ટરીમાં કરાઈ છે. ઈન્ડિયન રેલવેની પહેલી નોન-સબઅર્બન ટ્રેન છે જેમાં ઓટેમેટિક દરવાજા હશે. આ ટ્રેનના કોચ અલગ ડિઝાઈનનું પેઈન્ટિંગ, ટ્રેનના બહારના ભાગને કેસરી અને પીળા રંગથી રંગવામાં આવી છે. ટ્રેનના બે કોચને જોડતો ભાગ એટલો અધ્યતન બનાવાયો છે કે તે ડસ્ટફ્રી છે. આ ટ્રેનની સુવિધા દિલ્હી-ચંદીગઢ અને દિલ્હી-લખનૌ વચ્ચે પણ શરુ કરાશે.

 આ ટ્રેન મુંબઈ અને કર્માલી (ગોવા) વચ્ચે ચોમાસાની ઋતુને બાદ કરતા અઠવાડિયામાં 5 દિવસ દોડશે. અને ચોમાસાની ઋતુ દરમિયાન તેને ત્રણ દિવસ દોડાવાશે. આ ટ્રેન દાદર, થાને, પનવેલ, રત્નાગીરી અને કુડાલ સ્ટેશન કરશે.

આ ટ્રેનમાં 20 કોચ એક્ઝિક્યુટિવ AC ચેર કાર છે, જેમાં એક કોચમાં 56 મુસાફરોને સમાવી શકાશે. જ્યારે અન્ય 12 AC ચેર કાર કોચ હશે જેમાં એક કોચમાં 78 મુસાફરોને સમાવી શકાશે.

 તેજસ એક્સપ્રેસમાં એક્ઝિક્યિટિવ ક્લાસની ટિકિટ ₹2,680 (ફૂડ સાથે) અને ₹2,525 (ફૂડ વગર) રાખવામાં આવી છે, અને AC ચેર કારનું ભાડું ₹1,280 (ફૂડ સાથે) અને ₹1,155 (ફૂડ વગર) રાખવામા આવ્યું છે. આ સાથે ટ્રેનમાંથી જ ખાવાનું ઓર્ડર કરી શકાય તેવી સુવિધા પણ રાખવામાં આવી છે.

 આ હાઈ-સ્પીડ ટ્રેનમાં સુરક્ષા ઉપાયોને ધ્યાનમાં રાખીને સસ્પેન્સન સિસ્ટમ, ફાયર સસ્પેન્સ સિસ્ટમ, સ્મોક ડિટેક્શન અને ફાયર ડિટેક્શન સિસ્ટમ જોડાવામાં આવી છે. મુસાફરોની સુવિધાને ધ્યાનમાં રાખીને આ ટ્રેનમાં GPS દ્વારા માહિતી પૂરી પાડવાની સાથે ડિજિટલ ડેસ્ટિનેશન બોર્ડ પર મૂકવામાં આવ્યા છે.

જોવાની શક્તિ ન હોય તેવી (અંધ) વ્યક્તિઓને કોઈ અડચણ ન પડે તે માટે બ્રેઈલ આસિસ્ટન્ટ સિસ્ટમ પણ એડ કરવામાં આવી છે.

આ ટ્રેનના દરેક કોચમાં બાયો વેક્યુમ ટોઈલેટ જોડવામાં આવ્યા છે. આ સાથે ટ્રેનમાં હેર ડ્રાયર, પાણીનું લેવલ બતાવતું ઈન્ડિકેટર અને ઓટોમેટિક પાણીના નળ લગાવવામાં આવ્યા છે.

 રવિવારે સેન્ટ્રલ રેલવેના ચીફ કોમર્શિયલ મેનેજર શૈલેન્દ્ર કુમારના જણાવ્યા મુજબ, “મુસાફરોએ એડવાન્સ બૂકિંગ કરાવીને હકારાત્મક પ્રતિભાવ દર્શાવ્યો છે. ટ્રેનની શરુઆતની સાથે જ ટિકિટ બૂકિંગની શરુઆત કરવામાં આવી હતી જેમાં સવારના 4 કલાકમાં 207 મુસાફરોએ AC ચેરની જ્યારે 10 મુસાફરોએ એક્ઝિક્યુટિવ AC ચેરની ટિકિટ બૂક કરાવી હતી.”

 

 

 

Kem Majama ? Loved It! then Share It !

Ravi Prajapati

Ravi is a digital marketing specialist, consultant and influencer in the field of sales, marketing, and leadership. His exceptional digital mind consistently produces rare and meaningful insights. In short, he is the person you contact when your brand needs limelight. Being a tech-geek, when away from work Ravi engages himself in reading about technology updates.

Leave a Reply

Your email address will not be published. Required fields are marked *